धनगढी । कैलालीको घोडाघोडी नगरपालिकाका मेयर ममताप्रसाद चौधरीलाई गोली हानेको आशंकामा प्रहरीले नेत्रविक्रम चन्द विप्लव को पार्टीका ३ जना कार्यक्रतालाई गरेको छ।
सोमबार राति सुख्खड क्षेत्रबाट विप्लव नेतृत्वको नेपाल कम्युनिष्ट पार्टीका ३ जनालाई पक्राउ गरी आवश्यक अनुसन्धान अघि बढाइएको कैलाली प्रहरी प्रमुख एसपी विनोद घिमिरेले जानकारी दिनुभयो ।
घम्भीर प्रकृतीको घटना भएकोले विस्तुत अनुसन्धान भइरहेको प्रहरीको भनाइ छ । प्रहरीले घटनामा संलग्न रहेको आशंकामा अन्य केहीको पनि खोजी भइरहेको जनाएको छ ।
केही दिनअघि बोक्सीको आरोपमा यवतीमाथि भएको कुटपिटलाई मिलापत्र गराएको भन्दै विप्लव माओवादीले मेयर चौधरीलाई जनकारबाही गर्ने धम्की दिएको थियो । सोमबार राति करिब सवा ८ चौधरीलाई अज्ञात समूहले घरभित्रै पसेर आक्रमण गरेको थियो । घाइते चौधरीको उपचार भइरहेको छ।
यसैबीच् चौधरीमाथि भएको आक्रमणको बिरोधमा स्थानीय र नेकपा एमालेका कार्यकर्ताले प्रदर्शन गरेका छन् । मंगलबार बिहानदेखि उनीहरुले सुखड बजार परिक्रमा गरेर प्रदर्शन जारी राखेका छन् । उनीहरुले आक्रमणकारीको तत्काल खोजी र कारवाहीको माग गर्दै नाराबाजी गरिरहेका छन् ।
प्रदर्शनका कारण पुर्वपश्चिम राजमार्ग र सुखड भजनी सडकमा आउजाउ हुने सवारी साधन रोकिदाँ यात्रु अलपत्र परेका छन् । शान्ति सुरक्षा कायम राख्न सुखड क्षेत्रमा ठुलो संख्यामा प्रहरी परिचालन गरिएको छ ।
