शनिश्चरे । मोरङको पथरीशनिश्चरे– ४, स्थित बालकल्याण आधारभूत स्कुल छेउकी क्यान्सर पीडित १७ बर्षिय भद्रकुमारी(सर्मिला) बस्नेतको उपचारका लागि सहयोग जुट्न थालेको छ । विगत ७ महिनादेखि मलदुवारमा क्यान्सर भइ उपचाररत १७ बर्षिय भद्रकुमारी(सर्मिला)को सहयोगार्थ देश, विदेशमा रहेका नेपालीहरुबाट १ लाखभन्दा बढी सहयोग जुटेको हो ।
क्यान्सर पीडित बस्नेतका परिवारले घरमै पत्रकार सम्मेलन गरी आर्थिक सहयोग गरिदिन अपिल गरेपछि उक्त रकम संकलन भएको भद्रकुमारी (सर्मिला) बचाउ अभियान समितिका संयोजक राजकुमार विश्वर्कमाले जानकारी दिए । सहयोगी दाताहरुमा स्थानीय व्यक्ति, सर्मिला अध्ययनरत विद्यालय र वैदेशिक रोजगारीमा रहेका नेपालीहरु रहेका छन् ।
१७ बर्सिय भद्रमाया बस्नेत(सर्मिला)को उपचारार्थ हाल वैदेशिक रोजगारीको शिलशिलामा कोरियामा रहेका धनबहादुर खापुङ(लिम्बू)ले १० हजार रुपैयां सहयोग गरेका छन् । क्यान्सर पिडित सर्मिला अध्ययनरत सिंहवाहिनी माविका शिक्षक, कर्मचारीबाट ४६ हजार ५०० रुपैयाँ, बलराम सुवेदीद्वारा खडा गरिएको अक्षय कोषमार्फत् सुमन मेवाहाङ राईको संयोजनमा १८ हजार रुपैयाँ र प्रतिभा समाज सुधार युवा क्लब र वी १६ फुटबल क्लबको संयुक्त आयोजनामा संचालन भएको मैत्रीपुर्ण फुटबल प्रतियोगितामा दुवै क्लबको सक्रिय सहभागितामा विद्यार्थी र आयोजक क्लबका स्वम् सेवकहरुद्वारा पानी बेच्ने अभियान मार्फत् संकलन भएको १० हजार १९० रुपैयाँ सर्मिलाको उपचारका लागि हस्तान्तरण गरिएको छ ।
भद्रकुमारी (सर्मिला)को उपचार को लागि हाल वैदेशिक रोजगारीको शिलशिलामा फिनल्यान्डमा रहेका नितेश पोखरेलले १० हजार, मलेसियामा रहेका गोबिन्द थापाको नेतृत्वमा बिमल राना र अमृत सुनार लागायतले १२ हजार ४६० रुपैयां सहयोग गरेका छन् । यसैगरी, वैदेशिक रोजगारीको सिलसिलामा कतारमा रहेका राजु राईले ५ हजार ५०० सहयोग गरेका छन् । सहयोगी दाताहरुलाई भद्रकुमारी(सर्मिला)बचाउ अभियान समितिको तर्फबाट संयोजक राजकुमार विश्वकर्माले धन्यवाद व्यक्त गरेका छन् ।
भद्रकुमारी (सर्मिला)लाई विरामी भएपछि सुरुमा आयुर्वेदीक पसलमा लगियो । आयुर्वेदीक पसलले पायल्स भनिदिएर ढेड महिना दवाई ख्वाईयो त्यस पछि दिसा बन्द भयो । दिशा बन्द भएपछि विराटनगरको संजीवन हस्पिटलमा लगेर उपचार गरे । संजीवन हस्पिटलमा भिडियो एक्सरे, एमआरआई गरेपछि रोग पत्ता लाग्यो । रोग पत्ता लागे पछि हस्पिटलले धरान स्थित विपि कोइराला स्वास्थ्य विज्ञान प्रतिष्ठान(घोपा) रेफर गरिदियो ।
विपि कोइराला स्वास्थ्य विज्ञान प्रतिष्ठान घोपाले क्यान्सर भनेर पत्ता लगायो । धरानबाट झापाको विएनसी हुदै फेरी धरानको घोपामा अपरेसन गरेको पीडितका बुबा उद्धब बहादुर बस्नेतले गहभरी आँसु झारदै बताए । उनले विहे गर्ने उमेरमा छोरीलाई भयानक रोग लागेकोले यसको थप उपचारको लागि सबैले सहयोग गरिदिन आग्रह गरेका छन् । उनि पथरीशनिश्चरे–१० को सिंहवाहीनि माविमा कक्षा १०मा अध्ययनरत हुन् ।
क्यान्सर पीडितका आमा टंकमाया बस्नेतका अनुसार अहिले सम्म आफ्न्त र छरछिमेकमा ऋण गरेर ११ लाख खर्च भैसकेको छ । डाक्टरले पैसा भए छोरी निको हुने आसवासन दिएपछि हामीले सहयोग उठाएर छोरीको थप उपचार गर्ने निर्णय गरेर सहयोगको हात फैलाएको बताए । उनले छोरी निको पार्न सबैले सहयोग गरिदिन आग्रह गरेका छन् ।
राजकुमार विश्वर्कमाको संयोजकत्वमा ५ सदस्य भद्रकुमारी(सर्मिला)बचाउ अभियान समिति गठन भएको छ । समितिका संयोजक राजकुमार विश्वर्कमाले सवैमा सहयोगको अपेक्षा गरेको बताए । सहयोग गर्न चाहने मनकारीले क्यान्सर पीडितको बुबा उद्धब बहादुर बस्नेतको फोन नं. ९८२७३३१२०८ वा एनआईसि एसिया बैंक खाता नं. ४८७०१९०४०४५३४०१ मा आर्थिक सहयो रकम पठाउनु सक्नु हुने छ ।
