एजेन्सी । इन्डोनेसिया र पूर्वीए टिमोरमा आएको बाढीका कारण ५० जनाको मृत्यु भएको छ । लगातारको वर्षासँगै आएको बाढीका कारण कयौं भौतिक संरचनाहरुमा क्षति पगेको छ । बाढीका कारण टापुहरुमा क्षति पुगेको बीबीसीले जनाएको छ । इन्डोनेसिया र पूर्वी टिमोरमा बाढीले अत्याधिक क्षति पु¥याएको बताइएको छ । इन्डोनेसियाका प्रकोप नियन्त्रण विभागका अधिकारीहरुले बाढी र पहिरोमा मृत्यु हुने र प्रभावितको संख्या अझै बढ्न अनुमान गरेका छन् ।
विभागका प्रवक्ता रादित्य जातीले इन्डोनोसियाका चार जिल्ला र सात गाउँमा बाढीले अत्याधिक क्षति पु¥याएको छ । विभिन्न क्षेत्रमा हराइरहेका मानिसहरुको खोजी भइरहेको अधिकारीहरुले जनाएका छन् । यता टिमोर लेस्टरका अधिकारीहरुले राजधानी डिल्लीमा पनि हराइरहेकाहरुको खोजी भइरहेको जनाएका छन् । त्यहाँ ११ जनाको मृत्यु भएको बताइएको छ । बाढी पहिरोमा परेर घाइते भएकाहरुको विभिन्न अस्पतालमा उपचार भइरहेको त्यहाँका अधिकारीहरुले जनाएका छन् ।
