शनिश्चरे । पथरी शनिश्चरे वडा नं. ८ ले वडाभित्र जसको कोही÷केही छैन ‘वडाध्यक्ष मेरो साथी’ कार्यक्रम छ भनेर जनता सँग प्रत्यक्ष जोडिने कार्यक्रमहरु निरन्तर गरिरहेको छ ।
शनिबार वडाभित्रका एघार परिवारलाई सुत्ने खाट वितरण गर्ने कार्यक्रममा बोल्दै वडा अध्यक्ष नवीन कार्कीले ‘भोट हालेर जिताएका नेता पलङमा सुत्ने सर्बहारा बर्गका जनताको घरमा सुत्ने खाट नभएर यो चिसो मा भुइ बासको खाटमा सुत्नुपर्ने बाध्यता रहेको भेटिएपछि यो चिसोमा कम्तिमा अभाबले भुइमा सुत्नु नपरोस भनेर वडा कार्यलय बाट आज ११ परिवारलाई सुत्ने खाट वितरण गरिएको’ बताएका छन् ।
यसैगरी कार्यक्रम अन्तर्गत वडाभित्रका पैंतालीस जना विपन्न विद्यार्थीहरुलाई पठनपाठन को पुर्ण सामाग्री हस्तान्तरण, अक्सिजनमा लगाउनुपर्ने नागरिकलाई अक्सिजन सिलिन्डर, रगत अभाब हुँदा खोजिदिने र बजेट ब्यबस्थापन गर्ने, नगरपालिकाको सब बाहनले नभ्याएको समयमा अन्य गाडी प्रयोग गर्दा लाग्ने खर्छ ब्यबस्थापन, सर्पले टोकेर उपचार गर्नुपर्ने बिरामीलाई उपचार खर्च, अति विपन्न सुत्केरी आमा लाई सहयोग, अति बिपन्न परिवारमा कागकिरिया गर्न आर्थिक सहयोग गर्ने जस्ता कार्यक्रम गरिने वडा अध्यक्ष कार्कीले बताएका छन् ।
