पथरी शनिश्चरे, पथरी शनिश्चरे नगर स्तरीय खुल्ला कविता प्रतियोगिताको उपाधि वडा नं. २ का लोकसागर साम्बाले आफ्नो पोल्टामा पार्नुभएको छ ।
पथरी शनिश्चरे नगरपालिकाको मुख्य सहयोग र कला साहित्य प्रवद्र्धन समितिको आयोजनामा भएको आज भएको फाइनलमा साम्बा प्रथम घोषित हुनुभएको हो । साम्बालले नगद रु. १५ हजार, प्रमाण–पत्र प्राप्त गर्नुभएको छ ।
पहिलो चरणमा २४ जनाबाट १० जना छानिएको थियो । दोस्रो चरणमा ४ जना र ४ जनालाई ‘झरीसँग प्रेम’ शीर्षकमा निर्णायकहरुले कविता रचना गर्न दिइएको थियो । प्रतियोगितामा दोस्रो प्रसुना तिम्सिना (रेडस्टार बोर्डिङ स्कुल)ं, तेस्रो लाजिमा सुन्दास (सिंहबाहिनी माविं) र सान्तवना पवित्रा खनाल (सिंहबाहिनी माविं) घोषित हुनुभएको छ ।
पथरी शनिश्चरे नगरका निवर्तमान नगर प्रमुख दिलिपकुमार राईको प्रमुख आतिथ्यतामा भएको कार्यक्रममा नगरका प्रवक्ता नवीन कार्की, वडा नं. २ का अध्यक्ष नैना राई, वडा नं. ७ का अध्यक्ष उद्धवराज बस्नेत लगायतको उपस्थिति रहेको थियो । कला साहित्य प्रवद्र्धन समितिका अध्यक्ष धनराज राई (अमिर)को सभापतित्वमा भएको कार्यक्रममा साहित्यकार लक्ष्मीप्रसाद फुयाल, टेलिसिरियल निर्देशक हरेन्द्र खत्री, नाटक लेखक निर्देशक जीवन बराल लगायतको सक्रियता रहेको थियो ।
