पथरी शनिश्चरे, पथरी शनिश्चरेमा यही असोज ५ गतेदेखि हुने अन्तर्राष्ट्रिय आमन्त्रण प्रथम इन्ट्रा पथरी शनिश्चरे गोल्डकप–२०८१ लाई पथरी शनिश्चरे नगरपालिकाले ५ लाख आर्थिक सहयोग गर्ने भएको छ ।
सो प्रतियोगितामा मुख्य सहयोगी रहँदै नगरपालिकाले सो सहयोग गरेको नगर खेलकुद विकास समितिका अध्यक्ष दीपक राईले बताउनुभयो । पथरी शनिश्चरे–१ को जाँते मोडमा अवस्थित प्रस्तावित पथरी रंगशालामा असोज ५ देखि १२ गतेसम्म सञ्चालन हुने गोल्डकपमा इन्ट्रा पथरी ११ फुटबल मोरङ, पाँचथर क्लब पाँचथर फिदिम, झापा ११ फुटबल क्लब, धरान सिटी फुटबल क्लब, यु.के.एफ.सी. भारत, संकटा फुटबल क्लब काठमाडौं, बिग्रेड व्वाइज क्लब काठमाडौं र सलहेश युवा क्लब सिरहाले सहभागिता जनाउनेछन् ।
प्रतियोगिताको आयोजना पथरी–११ फुटबल क्बले गरेको हो ।
