बार्षिलोनाको गोल वर्षा, स्वारेजको ह्याट्रिक

एजेन्सी, १३ फागुन । लुइस स्वारेजको ह्याट्रिकसँगै वार्षिलोनाले जिरोनालाई १ का विरुद्ध ६ गोलले पराजित गरेको छ ।
पेनिस ला लिगामा बार्सिलोनाको जितमा लुइस स्वारेज एक्लैले ३ गोल गरे भने टिमका लागि लियोनल मेस्सीले दुई र फिलिप कोन्टिन्होले एक गोल थप गरे । यससँगै जिरोना १ का विरुद्ध ६ गोलको लज्जास्पद हार व्यहोर्न बाध्य भयो ।
खेलमा अग्रता भने जिरोनाले लिएको थियो । जिरोनाका लागि तेस्रो मिनेटमै मनजनेराले गोल गरेका थिए । तर त्यसको दुई मिनेटपछि नै स्वारेजले गोल गर्दै खेललाई बराबरीमा ल्याए ।
त्यसपछि पहिलो हाफमै नतिजा ४–१ को अवस्थामा भयो । मेस्सीले ३० र ३६ मिनेटमा दुई गोल गरे भने स्वारेजले ४४ औं मिनेटमा व्यक्तिगत दोस्रो गोल गरे ।
दोस्रो हाफ सुरु भएपछि ६६ औं मिनेमा कोन्टिन्होले र ७६ औं मिनेटमा स्वारेजले हृयाट्रिक पूरा गरे । त्यसपछि थप गोल हुन सकेन ।
यो सिजनको ला लिगामा २२ गोल गरेका मेस्सी सर्वाधिक गोलकर्ताको सूचीमा पहिलो नम्बरमा र २० गोल गरेका स्वारेज दोस्रो नम्बरमा छन् ।
यसैबीच अर्को खेलमा रियल मड्रिडले घरेलु मैदानमा अलाभेजलाई ४–० ले हराएको छ । रियल मड्रिडलाई जिताउन क्रिस्टियानो रोनाल्डोले २ तथा ग्यारेथ बेल र करिम बेन्जिमाले १–१ गोल गरे ।