उर्लाबारी । मोरङको उर्लाबारीमा यौन ब्यवसाय सञ्चालन गर्ने मिक्लाजुङ होटल एण्ड लज सञ्चालक नवराज भण्डारीलाई पुर्पक्षका लागि थुनामा पठाइएको छ । जिल्ला अदालत मोरङले भण्डारीलाई थुनामा राख्ने आदेश दिएको हो ।
थुनामा राख्ने आदेशसँगै अभियुक्त भण्डारीलाई जिल्ला कारागार मोरङ लगिएको छ । यौन ब्यवसाय सञ्चालन गरेको आरोपमा उर्लाबारी–७ स्थित पूरानो भोजपुरे होटल अहिलेको मिक्लाजुङ होटल एण्ड लज सञ्चालक भण्डारीलाई प्रहरीले पक्राउ गरेको थियो । तीन जना किशोरीलाई जवरजस्ती यौन ब्यवसायमा लगाएको पाएपछि प्रहरीले उनलाई पक्राउ गरी मानव बेचविखन मुद्धामा म्याद थपेर अनुसन्धान गरेको थियो ।
प्रहरी निरीक्षक बबिन्द्र नेम्बाङले उर्लाबारीको कमाण्ड सम्हालेपछि यौन धन्दा सञ्चालन गर्ने होटलहरुमा प्रहरीले निगरानी बढाएको छ । अन्य केही होटलमा पनि यौन ब्यवसाय सञ्चालन हुने गरेको सूचना प्राप्त भएको र ती होटलहरुमा पनि निगरानी गरिरहेको प्रहरीले जनाएको छ ।
