पथरी । पथरी शनिश्चरेमा लक्षित वर्गका लागि ५ दिने माइन्यूट लेखन, उद्घोषण तथा भाषणकला तालिमको समापन भएको छ । पथरीशनिश्चरे–१ स्थापित पथरी बहुमुखी क्याम्पसको सभाहलमा भएको सो तालिमको आज समापन भएको हो ।
पथरी शनिश्चरे नगरपालिकाको सहयोगमा सञ्चारकमीृ मिडिया प्रा.लि. विराटनगरको आयोजना भएको तालिममा नगरका १० वटै वडाबाट सहभागिता जनाइएको थियो । सञ्चारकर्मी मिडिया प्रा.लि.का कार्यकारी निर्देशक भद्रमान विश्वकर्माको अध्यक्षतामा भएको सो कार्यक्रममा प्रमुख अतिथि नगर उप–प्रमुख देविमाया काफ्ले रहनुभएको थियो । यस्तै विशिष्ट अतिथिमा नगरका शिक्षा शाखा प्रमुख शालिग्राम काफ्ले, योजना शाखा प्रमुख शिव राई, नगर कार्यपालिका अञ्जना दर्जी लगायतले शुभकामना मन्तव्य राख्नुभएको थियो ।
समापन कार्यक्रममा सहभागीहरुको तर्फबाट सरिता शिवा, युवराज लावर र प्रतिष्ठा सुनामले आ–आफ्ना कुरा राख्नुभएको थियो । सहभागीहरुलाई प्रमाण–पत्र र अथितिहरुलाई मायाको चिनो प्रदान गरिएको थियो ।
