शनिश्चरे, पथरी शनिश्चरे वडा नं. ८ ले संविधान दिवसको अवसरमा मेमबहादुर श्रेष्ठको शौचालय निर्माण, घरमा बिजुली जडान, सुत्ने खाट वितरण र खाद्यान्न वितरण गरेको छ ।
आज पथरी शनिश्चरे नगरपालिका वडा नं. ८ को झोलुङ्गे पुल चौक निवासी मेमबहादुर श्रेष्ठको घरमा श्रमदान गरेर शौचालय निर्माण, बिजुली बत्ती जडान, सुत्ने खाट वितरण, खाद्यान्न वितरण गरेर वडाले संविधान दिवस मनाइएको हो ।
यस्तैगरी बिहान वडा कार्यालय सरसफाइ र बेलुका वडा कार्यालयमा दिप प्रज्ज्वलन गरिएको वडाध्यक्ष नविन कार्कीले जानकारी दिनुभयो । कार्यक्रमा नगर उप–प्रमुख देविमाया काफ्ले, वडा सदस्यहरु बाबुराम चौधरी, झमकबहादुर लिम्बु, शान्ता योङहाङ, शिवकुमारी विश्वकर्मा, वडा सचिव बालकृष्ण राई र वडावासीको उपस्थिति रहेको थियो ।
