कलर वाकथोनको तयारी

विराटनगर, ९ फागुन । विराटनगर राउण्ड टेबल ५ ले यस वर्षको कलर वाकथोन मार्च १ मा आयोजना गर्ने भएको छ ।
‘बालिकाको लागि शिक्षा’ मूल नारासहितको यस वर्षको कलर वाकथोन विराटनगर स्थित अतिथि सदनबाट सुरु हुनेछ ।
विभिन्न कार्यक्षेत्रका व्यक्तित्वहरुले सहभागी जनाउने कार्यक्रम विहान ७ बजे देखि सुरु हुनेछ । अनगिन्ती प्रतियोगीहरु सहभागी हुनसक्ने वाकथोनमा प्रतियोगीहरुले ५ किलोमिटर हिड्नेछन् भने हरेक किलोमिटर पश्चात उनिहरुलाई रंगसँग खेलाइनेछ ।
अघिल्लो वर्ष नेपाली सुपरस्टार राजेश हमाल मुख्य आकर्षक रहेको वाकथोनमा यस वर्षको मुख्य आकर्षणको स्वरूप मिस नेपाल निकिता चन्डक र भावना घिमिरे हुनेछन् । नेपाली नारीहरुलाई जीवनमा सफल बन्न वा केहि गरि विश्व सामु आफ्नो र देशको शिर उच्च राख्ने काम गर्न हौसला प्रदान गर्न उनीहरुलाई बोलाएको आयोजकले जनाएको छ ।
आयोजकले पछिल्लो वर्ष झैँ यस वर्ष पनि उत्साहपूर्ण सहभागीहरुको साथ् पाउने आशा गरेको छ ।