विराटनगर, २२ फागुन । स्कुल बसको ठक्करबाट विराटनगर–५, स्थित भित्री सडकखण्डमा सोमबार बेलुका एक पैदलयात्रीको मृत्यु भएको छ । एभरेष्ट बोर्डिङ स्कूलको को १ क ८३७ नम्बरको बसको ठक्करबाट सोही स्थानबस्ने ५० वर्षीया शारदा मण्डलको मृत्यु भएको हो ।
बसको ठक्करबाट गम्भीर घाइते महिलाको कोशी अञ्चल अस्पताल पु¥याएलगत्तै मृत्यु भएको जिल्ला ट्राफिक प्रहरी कार्यालय, मोरङले जनाएको छ । ठक्कर दिने बस र त्यसका चालकलाई जिल्ला प्रहरी कार्यालय मोरङले नियन्त्रणमा लिएको छ ।
