काठमाडौं । चीनले कोरोना भाइरसको नयाँ संक्रमण लगातार तेस्रो दिन पनि घटेको जनाएको छ । हिजो र अस्ति पनि नयाँ संक्रमणको दर घट्टो अबस्थामा थियो ।
चीनका विदेशमन्त्री वाङ यीले संक्रमणको घट्दो दरले समग्रमा संक्रमण नियन्त्रण गर्न सकिने अवस्थामा रहेको बताए । संक्रमण रोकथाम र पूर्ण नियन्त्रणका लागि चीनले चालेको कदम सायदै अरु मुलुकले गर्न सक्ने उनको भनाई छ । यता आज मात्र कोभिड–नाइन्टिन नाम दिइएको भाइरसका २ हजार संक्रमित र थप १ सय ४२ जनाका मृत्यु भएको अधिकारीहरुले जनाएका छन् ।
चीनमा हालसम्म ६८ हजार भन्दा बढी मानिसमा कोरोनाको संक्रमण पुष्टि भएको छ भने मृत्यु हुनेको संख्या बढेर १६ सय ६५ पुगेको छ । चीन बाहिर करिब ३० देशमा ५ सय जना भन्दा बढीमा संक्रमण पुष्टि भएको छ । फ्रान्स, हङकङ, फिलिपिन्स र जापानमा एकरएक जनाको मृत्यु भएको छ ।
