आजदेखि पथरी बजार पूर्णरुपले बन्द हुने

पथरीशनिश्चरे / पथरी बजार आजदेखि पूर्णरुपमा बन्द हुने भएको छ । कोरोना भाइरस (कोभिड १९)को प्रकोप पछिल्लो समयमा १ नं प्रदेशमा एक्कासी बढेकाले पथरी बजार बन्द गर्ने भएको हो ।
हिजो बसेको पथरी शनिश्चरे नगरपालिका वडा नं. १ को बैठकले अस्पताल खुल्ला गर्ने, औषधि पसल दिनको २ घण्टा खुल्ला गर्ने भएपनि तरकारी, फलफुल तथा खाद्यन्न पसल समेत पूर्ण रूपले बन्द गर्ने निर्णय भएको वडा सदस्य रोमान्सी धिमालले बताइन् । बन्दबाट सर्बसाधारण जनताहरूमा पर्न गएको असुविधा प्रति क्षमा याचना गर्दै सबै वडाबासी जनसमुदायमा घरैमा बसी कोरोना भाइरसको जोखिमबाट बच्नका लागि अनुरोध वडा कार्यालयले गरेको छ ।