पथरी शनिश्चरे । मोरङको पथरी शनिश्चरे नगरका वडाहरुमा आधारभूत स्वास्थ्य केन्द्रका भवन निर्माण कार्य अघि बढेको छ । यस क्रममा सोमबार वडा नम्वर १ का लागि आधारभूत स्वास्थ्य केन्द्रका रुपमा रहेको शहरी स्वास्थ्य केन्द्रको भवनको शिलान्यास भएको छ । नगर प्रमुख दिलीपकुमार राई, उपप्रमुख यमुना विष्ट वास्तोला सहितले भवनको शिलान्यास गरेका छन् । ६३ लाख रुपैयाँको लागतमा ६ कोठाको भवन बन्ने भएको हो ।
सोमबारनै, वडाध्यक्ष सागर राईमार्फत वडा नम्वर १० को आधारभूत स्वास्थ्य केन्द्र भवनको पनि शिलान्यास गरिएको छ । त्यहाँ ३२ लाखको लागतमा ४ कोठाको भवन वन्नेछ । १० वटा वडा रहेको नगरको वडा नम्वर २ मा नगर अस्पताल, ५ मा हसन्दह स्वास्थ्य चौकी र ९ मा शनिश्चरे स्वास्थ्य चौकी आफ्नै भवनमा रहेका छन् । त्यस बाहेकका वडाका लागि आधारभूत स्वास्थ्य केन्द्रको भवन निर्माण कार्य अघि बढाइएको नगर प्रमुख राईले जानकारी दिए ।
