मोरङ । चर्चित नेपाली रियालिटी सो तेस्रो संस्करणको नेपाल आइडल मोरङ पथरीशनिश्चरेकी सज्जा चौलागाईंले बनेकी छिन् । शुक्रबार फाइनल भएको तेस्रो नेपाल आइडलको उपाधि जितेकी हुन् । नेपाल आइडलको स्टुडियोमा भएको ग्राण्ड फिनालेमा सज्जा तेस्रो सिजनको बिजेता भन्दा प्रवीण बेडुवाल फस्ट रनरअप बने । किरणकुमार भुजेलले सेकेन्ड रनरअप बने ।
दर्शकले विश्वभरबाट दिएको भोट र निर्णायकको मूल्यांकनका आधारमा अन्नपूर्ण मिडिया नेटवर्कका अध्यक्ष क्याप्टेन रामेश्वर थापाले नेपाल आइडलको विजेता घोषणा गरेका थिए । एपी वान एचडी टेलिभिजनबाट प्रसारण हुँदै आएको रियालिटी सो नेपाल आइडल सर्वाधिक रुचाइएको कार्यक्रम हो ।
नेपाल आइडल–३ को उपाधिसहित विजेता सज्जाले ५० लाख रुपैयाँ पुरस्कार प्राप्त गरेकी छन् । यसैगरी फस्ट रनरअपले १० लाख र सेकेन्ड रनरअपले पाँच लाख नगद प्राप्त गरेका छन् ।
