धनकुटा । धनकुटाको सहिदभुमि गाँउपालिकाले विपन्नसंग अध्यक्ष कार्यक्रम अन्तर्गत बालबालिका र ज्येष्ठ नागरिकलाई न्यायो लुगा प्रदान गरेको छ । गाँउपालिका भित्रका बालबालिकाहरुका लागि न्यानो स्वीटर हस्तान्तरण गरिएको छ भने ज्येष्ठ नागरिकलाई जाडोमा ओड्ने न्यानो कम्बल वितरण गरेको छ । सामुदायिक विद्यालयमा अध्ययनरत बालबिकास देखि कक्षा ३ सम्मका सबै विधार्थीलाई चिसोबाट बचाउनको लागि स्वीटर वितरण गरेको गाउँपालिका अध्यक्ष मनोज राइले बताए ।
गाँउपालिकाको विपन्नसंग अध्यक्ष कार्यक्रम अन्तरगत आर्थिक वर्ष २०७७ । ०७८को ५ लाख बजेटबाट स्वीटर खरीद गरी गाँउपालिका भित्र रहेका ३९ वटा विद्यालयका १ हजार २ सय ७१ जना विद्यार्थीलाई वितरण गरिएको अध्यक्ष राईले जानकारी दिए । सोमबार स्वीटर हस्तान्तरण कार्यक्रममा छुटेका शहिदभुमीका ४ वटा विद्यालयलाई पनि चाडै हस्तान्तरण गरिने शहदिभुमी गाँउपालिका शिक्षा शाखाका प्रमुख उमेश राईले बताए । यसअघि शहिदभुमी गाउँपालिकाले जेष्ठ, असहायलाई जाडोमा ओड्ने ब्ल्याङ्गकेट वितरण गरेको थियो ।
