पथरी शनिश्चरे । मोरङको पथरी शनिश्चरे नगरमा हालसम्म ४६ जनामा कोरोना भाइरसको संक्रमण देखिएको छ । जसमध्ये निको भएर अस्पतालबाट घर फर्किनेको संख्या ९ रहेको छ । सक्रिय संक्रमित ३७ जनामध्ये हाल अस्पतालमा ५ जना र होम आइसोलेसनमा ३२ जना रहेका छन् । प्रदेश प्रयोगशालाबाट आएको रिपोर्ट अनुसार, आजसम्ममा २५ पुरुष र २१ महिला संक्रमित हुन पुगेका छन् । नगर बाहिरको अस्पतालमा जाँच गर्दा वडा नम्बर १० का १ जना पुरुष तथा नगर अस्पतालमा वैशाख २७ मा स्वाब संकलन गरिएका २३ जनामध्ये ५ महिला र ६ पुरुषमा कोरोना देखिएको नगरको स्वास्थ्य शाखाले जनाएको छ । जसमा, वडा नम्बर १ का १ पुरुष, ३ की १ महिला, ४ की १ महिला र १ पुरुष, ५ की १ महिला र २ पुरुष, ७ की २ महिला र १ पुरुष र १० का १ पुरुष रहेको रिपोर्टमा उल्लेख छ ।
त्यसैगरी, नगर अस्पतालले गरेको एन्टिजिन परीक्षणमा वडा नम्बर ५ का १ पुरुष र ९ का २ महिलामा कोरोना देखिएको छ । हालसम्म नगरले ८० जनाको पीसीआरका लागि स्वाब संकलन गरिसकिएको छ । जसमध्ये हिजो स्वाब संकलन गरिएका ४४ जनाको रिपोर्ट आउन बाँकी रहेको छ ।
