कविता
तिमी व्यवसायिक समूह बनाऊ
म सामाजिक समूह बनाउँछु ।
तिमी मुनाफा कमाऊ
म समाजसेवा गर्छु ।
तिमी आफुलाई केन्द्र बनाऊ
म सबैको हित चाहन्छु ।
तिमी गुट बनाऊ
म पार्टी बनाउँछु ।
तिमी गुटलाई बलियो बनाऊ
म पार्टीलाई बलियो बनाउँछु ।
तिमी आफ्नो प्रचारमा रमाऊ
म सिद्धान्तको प्रचारमा लाग्छु ।
परिणाम,
तिमी चाहेको प्राप्त गर्नेछौ
म केही पनि पाउने छुइन ।
तिमी प्राप्त गरपनि हार्नेछौ
म केही नपाएर पनि जित्नेछु ।
बुढीगँगा–५, हात्तीमुडा मोरङ
