गत फागुन १८ गते सम्पन्न भएको पशुपति सामुदायिक वन उपभोक्ता समूहको चुनावी साधारणसभाबाट अध्यक्ष पदमा निर्विरोध निर्वाचित भएका व्यक्ति हुन् प्रदिप राई । २०५० साल कार्तिक ५ गते मोरङकै सिजुवामा जन्मिएका उनि सानो उमेरमै महत्वपूर्ण जिम्मेवारी सम्हालीरहेका छन् । १ हजार १ सय ३५ उपभोक्ता रहेको उक्त वन २६६ हेक्टर क्षेत्रमा फैलिएको छ । महत्वपूर्ण पदमा निर्वाचित भएको ६ महिना हुन लाग्दा उनि सामुदायिक वनको काममा निरन्तर खटिरहेका छन् । प्रश्तुत छ, तिनै अध्यक्ष राईसँग गरिएको कुराकानीको सम्पादित अंश ः
दिनचर्या कसरी विताइरहनु भएको छ ?
पहिलो पटक वन समितिको काम गर्ने जिम्मेवारी पाएको छु । म वन र उपभोक्ताको हितमा काम गर्न चाहन्छु । त्यसकारण दैनिकजसो मेरो हरेक समय समितिकै काममा दिइरहेको छु ।
तपाइ निर्वाचित भइसकेपछि के के गर्नुभयो त ?
वैज्ञानिक वनको कार्ययोजना हटाएर सामुदायिक वनको साधारण कार्ययोजना बनाइयो । उपभोक्ताले काठ दाउरा नपाउँदा समस्या झेल्दै आउनुपरेको थियो । हामीले उक्त समयस्यालाई समाधान ग¥यौं । यस वनबाट काठ ननिस्कीएको लामो समय भएको थियो । हामीले ४ हजार १ सय ४४ क्युफिट काठ कटानको अनुमती पाइसकेपछि घरगोठ बनाउन नपाएर समस्यामा परेका उपभोक्ताले घरगोठ बनाउन पाएका छन् । ऋणमा चल्दैआएको समितिलाई ऋणमुक्त गरियो ।
वन विकास अन्तर्गत के के गर्नुभयो ?
हामी निर्वाचित भएको यो छोटो समयमा हामीले धेरै काम त गर्न सकेको छैनौं । तर हामी निरन्तर खटिरहेका छौँ । हामीले २ पटक विरुवा रोपण गरिसक्यौँ । चोरी तस्करी नियन्त्रणका लागि तार, जाली लगाइरहेका छौँ । अहिले हामीले कार्यालयको बैठक भवन पनि निर्माण गर्दैछौँ । बोट विरुवा तथा जिवजन्तु चोरी तस्करी नहोस भनेर जनचेतना समेत फैलाउने उद्देश्यले हामीले ठाउँ ठाउँमा होर्डिङ बोर्ड समेत लगाउँदैछौँ ।
अनि पर्यटन प्रवद्र्धनका लागि चै के कस्ता कामहरु गर्दै हुनुहुन्छ ?
पर्यटन प्रवद्र्धनका लागि हामीले सिमसार क्षेत्र बनाउने योजना बनाएका थियौँ । हाल यो काम समेत भइरहेको छ । वन वातावरण तथा भु–संरक्षण मन्त्रालयबाट हामीलाई केही बजेट आएको थियो । त्यही बजेटबाट हामीले यो कामलाई निरन्तरता दिदैछौँ । साथै पर्यटन प्रवद्र्धनका लागि थप योजना बनाउने छौँ ।
सामाजिक विकास अन्तर्गत चै के के गर्नुभयो त ?
हामीले सामाजिक विकासका कार्यक्रमहरुलाई पनि प्राथमिकतामा राख्दै आएका छौँ । हालसम्म हामीले हाम्रै वडामा रहेको शिवालय मन्दिर, जालपा आधारभुत विद्यालय लगायतका ठाउँहरुमा विविध किसिमका सहयोग गरिरहेका छौँ । समाजमा लागुपदार्थ दुव्र्यशनिमा युवाहरु नफसुन् भनेर जनचेतना फैलाउने काम समेत गरिरहेका छौँ ।
आगामी योजनाहरु के के छन् त ?
वन भनेको राष्ट्रको धन हो, उपभोक्ता भनेको समाज हो । वन र उपभोक्ताकै हितका लागि उपभोक्ताले जिम्मेवारी दिएर पठाउनुभएको छ । वन बाँचे हामी बाँच्छौँ । त्यसैले वन जोगाउन हामी हरेक पक्षसँग सहकार्य गरेर अघि बढ्नेछौँ । विपन्न परिवारका उपभोक्ताका लागि हामी स्वास्थ्य विमा गरिदिने योजनामा छौँ । उपभोक्ताको जिवनस्तर उकास्नका लागि माछा तथा मौरीपालनको योजना समेत ल्याउँदैछौँ । हामी हाम्रो कार्यकाल मुल्याङ्कन योग्य बनाउने योजनामा छौँ ।
अघिल्लो कार्यसमिति तथा उपभोक्ताबाट के कस्तो साथ सहयोग छ ?
पहिलो कुरा त उहाँहरुले हामीलाई विश्वास गरेर यो जिम्मेवारी प्रदान गर्नुभएको छ । हामी उहाँहरुको विश्वासमा आँच आउने काम कदापी गर्दैनौ । त्यसैले पनि हामीले अग्रज तथा अघिल्लो कार्यसमितिका पदाधिकारी र उपभोक्ताहरुसँग पनि सल्लाह गरेर काम गर्दैछौँ । त्यसैले हामीलाई सबैले साथ सहयोग गर्नुभएको छ ।
अन्त्यमा केही भन्नु छ ?
हाम्रा कुराहरु राख्ने अवसर दिनुभएकोमा तपाई लगायत तपाईको मिडियालाई धन्यवाद दिन चाहन्छु । साथै तपाईको मिडियामार्फत वन सबैको सम्पति हो वन जोगाएमात्र मानव जीवन रहन्छ । त्यसैले वनजंगलमा हुने चोरी तस्करी नियन्त्रणका लागि आवश्यक सहयोगकोलागि सबैलाई आग्रह गर्दछु । प्रस्तुति ः प्रेमप्रसाद भट्टराई (के.डी)
