आजकालका मान्छेहरु अनुशासनमा खस्ने गर्छन्
बाह्र वर्ष पुग्न नपाई लभ लेटरमा फस्ने गर्छन् ।
पढाइलाई हैन, अब मायालाई कस्ने गर्छन्
पढाइलाई छाडी डेटिङमा बस्ने गर्छन् ।
गाउँछन् सबैले गीतहरु हिन्दी र पप
पुस्तक पढ्छन् खोजी–खोजी प्रेम सम्बन्धी सब ।
पर्खिदैनन् भ्यालेन्टाइन डे गर्न थाल्छन् लभ
पढाइमा भन्दा बढी फेसवुकमा गर्छन् गफ ।
लोकगीतलाई हान्छन् छुरा प्रेमका गर्छन् ठूला कुरा
प्रेमसम्बन्धी प्रश्न सोध्दा उत्तर भन्छन् पूरा ।
स्कुल हिँडेका रे हेर्दाखेरी सपिङ सेन्टर हिँडे जस्तो
प्रेम सम्बन्धी पुस्तक पढ्छन् शिक्षा त भयो सस्तो ।
अनुहारमा हेर्दा सबैको लाली पाउडर र गाजल
प्रेमका कुरा गर्दाखेरी सबै हुन्छन् पागल ।
लुगा लगाउँछन् हिरोइनको जस्तो सबै छोटो–छोटो
कक्षाभित्र खिच्ने गर्छन् सबैले सेल्फी र फोटो ।।
पथरीशनिश्चरे, मोरङ
