शनिश्चरे । नयाँ वर्षको अवसरमा मोरङको पथरी शनिश्चरे ९ स्थित शनिश्चरे बजार (हाट खोला)मा सांगीतिक कार्यक्रम भएको छ ।
पिपल डाडाँ सामुदायिक क्लबको आयोजनामा चैत्र ३० गते साँझ ७ बजेबाट विविध सांगीतिक कार्यक्रमसहित २०८१ साललाई भब्य स्वागत गरिएको हो । कार्यक्रममा युवा पुस्ताका गायक नन्दु गुरुङको मुख्य आकर्षण रहेको थियो । गुरुङले मुटु त ढुक ढुक, मन पराउछु भन्छे उसले, संग सैगै कान्छी गीतहरु पस्केका थिए । त्यस्तै गायक कुमार सिरियस राई, हास्य कलाकार होम बाहादुर कार्की, स्टार डान्स स्टुडियो लगायत स्थानीय कलाकारहरुले आफ्नो प्रस्तुतिहरु राखेका थिए ।
कार्यक्रमका प्रमुख अतिथि ९ नं. वडाध्यक्ष वीरबहादुर राईले पिपल डाँडा सामुदायिक क्लबले सामाजिक उत्तरदायित्व अन्तरगत विभिन्न उदाहरणीय काम गरेको भनी प्रसंसा गरेका थिए । सो अवसरमा कार्यक्रममा मुख्य प्रायोजक एवं युवा समाजसेवी सविना मोबाइलका प्रोप्राइटर शुवास भट्टराईलगायतले शुभकामना मन्तव्य राखेका थिए ।
क्लबका अध्यक्ष रामबहादुर तामाङको अध्यक्षतामा सम्पन्न कार्यक्रममा वडा नं. ४ का वडाध्यक्ष लोककिरण न्यौपाने, महिला जागृति सामुदायिक वन उपभोक्ता समूहकी अध्यक्ष तुलसा याक्खा, शनिश्चरे सरसफाई तथा खानेपानीका अध्यक्ष ऋषिराज पौडेल, पिताम्बर बाँस्कोटालगायत अतिथि रहेका थिए ।
गायक एवं क्लबका उपाध्यक्ष कुमार सिरियस राईले स्वागत मन्तव्य राखेका थिए । क्लबका संस्थापक भुपाल ठटालले सञ्चालन गरेको कार्यक्रममा सयौंको संख्यामा रहेका दर्शकले भरपुर मनोरञ्जन लिएका थिए ।
