शनिश्चरे । मोरङको पथरी शनिश्चरे नगरपालिका वडा नं. ८ ले ‘वडा नं. ८ को प्रण, सामुदायिक विद्यालयको रुपान्तरण’ भन्ने मूल नाराको साथ वडाभित्रका सामुदायिक विद्यालयहरुको स्तरवृद्धी गर्नका लागि परेको छ ।
जस अन्तर्गत गर्मीकै कारण सामुदायिक विद्यालयहरुमा पठन पाठन अवरुद्ध नहोस भन्ने हेतुका साथ जनप्रतिनिधिहरुको तर्फबाट वडाभित्रका सामुदायिक विद्यालयहरुमा २५ वटा सिलिङ पङ्खा वितरण गर्ने वडा अध्यक्ष नवीन कार्कीले जानकारी दिनुभयो ।
सो कार्यक्रम अन्तर्गत मंगलबार दुर्गा आधारभूत विद्यालयलाई ७ थान सिलिङ फेन वितरण गरिएको छ भने मिलन आधारभूत विद्यालयलाई ४ थान र बुद्ध माध्यमिक विद्यालयलाई १४ थान सिलिङ पङ्खा वितरण गरिने कार्कीले जानकारी दिनुभयो ।
