पथरी । पथरी शनिश्चरे वडा नं. २ कार्यालयले वर्षभरि उत्कृष्ट कृषि गर्नुहुने ४ जना कृषकहरुलाई मल खरिद, विद्युत महसुल, औषधि खरिद गर्न र औजार खरिदका लागि ४ जना कृषकहरुलाई नगद दिने निर्णय गरेको छ ।
कार्यालयले प्रकाशित गरेको सूचनाका आधारमा परेको निवेदनबाट वर्षभरि उत्कृष्ट कृषि गर्नुहुने वडाका कृषकहरुलाई प्रोत्साहन स्वरुप वर्षमा ४ चोटी अनुगमन गरी ४ जना कृषकहरुलाई रु. ६ हजार २ सयका दरले नगद दिने निर्णय गरेको हो । प्रोत्साहन स्वरुप नगद प्राप्त गर्नुहुने कृषकहरु सोमनाथ आचार्य, मदन कार्की, लिलादेवी तिम्सिना र खेमनाथ नेपाल रहनुभएको वडाध्यक्ष नैना राईले जानकारी दिनुभयो ।
