पथरी शनिश्चरे, पथरी शनिश्चरे नगरपालिकाको नगर प्रमुख मोहन प्रसाद तुम्वापोको अध्यक्षतामा १६६ औं नगरपालिकाको कार्यपालिका बैठक सम्पन्न भएको छ ।
आज नगरपालिकाको सभा हलमा भएको बैठकमा नगर उप–प्रमुख देविमाया काफ्ले, प्रमुख प्रशासकीय अधिकृत शशि राई, वडाध्यक्षहरु, लेखा शाखा प्रमुख पिताम्बर वस्ती, राजश्व शाखा प्रमुख ताराप्रसाद ढकाल, कार्यपालिका सदस्यहरूको उपस्थिति रहेको थियो । बैठकमा विषयगत क्षेत्रगत रुपमा छलफल भई बजेट तथा कार्यक्रम तर्जुमा समितिले कार्यपालिका बैठकमा अन्तिम प्रस्तावको रुपमा पेश गरेको प्रस्ताव माथि नगर सभामा लैजान घनिभूत रुपमा छलफल भएको छ । नगरपालिकाको १५ औं नगरसभा यही असार १० गते सम्पन्न हुँदैछ ।
