पथरी शनिश्चरे, पथरी शनिश्चरे नगरपालिकाको आर्थिक वर्ष २०८०/ ८१ को स्वीकृत कार्यक्रम विपन्न नागरिकसँग उपमेयर कार्यक्रम अन्तर्गत विपन्न छात्र छात्राहरुलाई साइकल वितरण गरिएको छ ।
आज नगरपालिकाको सभाहलमा छोटो औपचारिक कार्यक्रम पश्चात् नगर उप–प्रमुख देविमाया काफ्लेले साइकल वितरण गर्नुभएको हो ।
नगरपालिकाको ६ वटा माध्यमिक विद्यालयका कक्षा ११ र १२ का विपन्न छात्र छात्राहरुलाई साइकल वितरण गरिएको हो ।
जसअन्तर्गत पञ्चायत माविका २ जना, जनता माविका ३ जना, सिंहवाहिनी माविका २ जना, भागीरथ माविका ३ जना, बुद्ध माविका ४ जना, अमरसिंह मावि २ जना विद्यार्थीहरूलाइ साइकल वितरण गरिएको थियो ।
