शनिश्चरे, पथरी शनिश्चरे नगरपालिका वडा नं. ८ ले विद्यालय स्वास्थ्य कार्यक्रम २०८१ ल्याएको छ ।
वडाले साउन १४ गते सूचना प्रकाशित गर्दै विद्यालय स्वास्थ्य कार्यक्रम २०८१ घोषणा गरेको हो ।
वडाका बालबालिकाहरुलाई नियमित स्वास्थ्य परीक्षण गराउन र अपाङ्गता पहिचान तथा रोकथाम गर्नको लागि वडाले प्रत्येक तीन÷तीन महिनामा नियमित विद्यालय स्वास्थ्य कार्यक्रम गर्ने वडाअध्यक्ष नविन कार्कीले जानकारी दिनुभयो ।
वडाको बुद्ध माविमा साउन २७ गते, दुर्गा आविमा २८ गते, चौविसे एकेडेमीमा २९ गते, हाइल्याण्ड बोर्डिङमा ३० गते र मिलन आविमा ३१ गते विद्यालय स्वास्थ्य कार्यक्रम सञ्चालन गरिने अध्यक्ष कार्कीले जानकारी दिनुभएको छ ।
