शनिश्चरे । मोरङ पथरीशनिश्चरे–१० स्थित पशुपति सामुदायिक वन उपभोक्ता समूहले तिहारको पूर्वसन्ध्यामा टोलस्तरीय फुटबल प्रतियोगिताको आयोजना गरेको छ । हरेक वर्ष चाडपर्वको अवसरमा खेलकुद आयोजना गर्दै आएको वन समूहले यस वर्ष पनि निरन्तरता दिएको हो ।
वन समूहले तिहार तथा छठ पर्वको अवसरमा कात्तिक १० गतेदेखि १५ गतेसम्म टोलस्तरीय फुटबल प्रतियोगिता सञ्चालन गरेको अध्यक्ष पुष्कर शाहीले जानकारी दिए । जसमा कात्तिक १० गते शनिबार टोला नं. ५, ७, १० र ११ बीच प्रतिष्पर्धा भएको थियो । त्यस्तै, कात्तिक ११ गते आइतबार टोला नं. १, ६, ८ र ९ बीच प्रतिष्पर्धा भएको थियो भनें १२ गते सोमबार टोला नं. ३ र ४ बीच भएको थियो ।
फाइनल खेलमा टोला नं. ५ विजेता भएको थियो भनें उसले २० हजार रुपैयाँ नगद समेत हात पारेको थियो । सोही दिन ढल्क्यो जोवन फुटबल प्रतियोगिता समेत भएको थियो ।
