बेलबारी । मोरङको बेलबारी ११ लक्ष्मीमार्गमा यहि मंसिर १७ गतेदेखि बेलबारी खेलकुद प्रवद्र्धन तथा सांस्कृतिक महोत्सव–२०८१ आयोजना हुने भएको छ ।
स्थानीय एल. एक्स. सिटी फुटबल क्लबको आयोजनामा १७ दिने महोत्सब आयोजना हुन लागेको शनिबार आयोजकले पत्रकार सम्म्ेलन गरी जानकारी दिएको छ । स्थानीय कलाकारको प्रतिभा प्रष्फुटन गर्ने वातावरण सिर्जना गर्नु, स्थानीय जातजातीको खानपानको विशेषता चिनाउनु,बेलबारीलाई नेपालमै चिनाउन मद्धत गर्नु, जातजातीका झाँकी सहितको सांस्कृतिक कार्यक्रम गरि सबैलाई परिचित गराउनु,स्थानीय खेलकुद प्रवद्र्धन तथा व्यवसायको स्तर वृद्धि गर्नु, बेलबारी नगरको पर्यटकीय स्थललाई परिचित गराउने उद्धेश्यका साथ यो महोत्सब आयोजना गर्न लागिएको महोत्सबका संयोजक नुतन लिम्ब (मादेन) ले जानकारी दिए ।
महोत्सबमा देशका चर्चित र ख्यातीप्राप्त कलाकार र ब्याण्डहरुको दैनिक प्रस्तुति रहने छ । महोत्सवमा ६५ लाख खर्च हुने र ७० लाख आम्दानी हुने अनुमान गरिएको छ । प्राप्त आम्दानीबाट बिभिन्न सामाजिक कार्यहरु गरिने क्लबका महासचिब शम्भु बस्नेतले बताए ।
