पथरी शनिश्चरे, नगरको नियमन क्षेत्राधिकार भित्रका सहकारी संस्थाका सदस्यका लागि सहकारी शिक्षा तालिम कार्यक्रम सम्पन्न भएको छ ।
आज पथरी शनिश्चरे नगरपालिकाको सहकारी शाखाद्वारा आयोजित सो तालिममा नगरमा रहेका सहकारी संस्थाका प्रतिनिधिहरुको उपस्थिति रहेको थियो । नगरपालिकाको सभाहलमा भएको सो कार्यक्रमको अध्यक्षता नगर प्रमुख मोहन प्रसाद तुम्वापोले गर्नुभएको थियो ।
यसैगरी नगरका आर्थिक विकास समिति संयोजक उद्धवराज बस्नेतले नगरमा रहेका सहकारीहरुको बारेमा बोल्नुभएको थियो । सहकारी शिक्षा तालिमको औपचारिक कार्यक्रम सञ्चालन नगरको सहकारी शाखा प्रमुख केशवदेवी धमलाले गर्नुभएको थियो भने तालिमको सहजकर्ता प्रदेश बचत तथा ऋण सहकारी संघ लि.कोशीका सचिव एकराज निरौलाले गर्नुभएको थियो ।
