पथरी शनिश्चरे, पथरी शनिश्चरे नगरपालिकाको उप–प्रमुख देवीमाया काफ्लेले ‘जनतासँग उपमेयर कार्यक्रम’ अन्र्तगत विपन्न विद्यार्थीहरुलाई न्यानो कपडा वितरण निरन्तर गरिरहनुभएको छ ।
विहिबार वडा नं. ३, ४ र ७ का अति विपन्न विद्यार्थीहरुलाई न्यानो कपडा वितरण गर्नुभएको थियो । यसैगरी आज वडा नं. ६ का अति विपन्न परिवारका छात्र÷छात्राहरुलाई न्यानो कपडा वितरण गर्नुभएको छ ।
वडाको आ–आफ्नै कार्यालयमा न्यानो कपडा वितरण गरिएको हो । सो कार्यक्रममा वडा नं. ३ का वडाध्यक्ष विजय लिम्बु, वडा नं. ४ का वडाध्यक्ष लोकनाथ न्यौपाने (लोककिरण), वडा नं. ७ का वडाध्यक्ष उद्धवराज बस्नेत, वडा नं. ६ का वडाध्यक्ष कृष्ण कुमार बस्नेत र वडा सचिवहरू भावना श्रेष्ठ, झमक भण्डारी, तारानिधि सापकोटा र विद्यालय प्रधानाध्यापकहरुको उपस्थिति रहेको थियो ।
वडा नं. ९ देखि सुरु गरिएको उप–प्रमुखको न्यानो कपडा वितरण कार्यक्रम अन्य वडाहरुमा क्रमशः हुने बताइएको छ ।
