धनकुटा । स्काभेटर बोकेको ट्रक ब्रेकफेल भई दुर्घटना हुँदा मंगलबार धरान धनकुटा सडक खण्डमा २ जना सडक मजदुरको मृत्यु भएको भने ३ जना घाइते भएका छन् ।
मंगलबार बिहान धरानबाट धनकुटातर्फ आईरहेको ना ५ ख १९३६ नम्बरको ट्रक कोसी राजमार्गको घण्टे खोलाको पुलमा दुर्घटनाग्रस्त भएको थियो ।
दुर्घटनामा परी धनकुटा साँगुरीगढी गाउँपालिका ७ का अन्दाजी ५५ बर्षीया बीरबहादुर राई र अन्दाजी ४५ बर्षीया रामजितको निधन भएको छ । सडकमा काम गरिरेका उनीहरुको दुर्घटनाग्रस्त ट्रकले ठक्कर दिँदा घटनास्थलमा नै मृत्यु भएको जिल्ला प्रहरी प्रमुख सुरेन्द्र खड्काले जानकारी दिनुभयो ।
दुर्घटनाको समयमा सडकमा काम गरिरहेका उनीहरुलाई दुर्घटनाग्रस्त ट्रकले ठक्कर दिएको थियो । दुर्घटनामा परी रामेछाप मन्थली ७ का चालक दीपकुमार लामा, सहचालक मकवनपुर चन्द्रसरोवर २ निवासी सनम तामाङ्ग र ट्रकमा सवार काठमाडौ बाग्मती ६ का राजेश घिमिरे घाइते भएका छन् ।
गम्भीर घाइते उनीहरको धरान स्थित बिपी मेमोरियल स्वास्थ्य प्रतिष्ठानमा उपचार भइरहेको प्रहरीले जनाएको छ ।
