साउदी अरबको अरामकोकास्थित दुईओटा सरकारी तेल कम्पनीमा शनिबार ‘ड्रोन’ आक्रमण भएको छ । आक्रमणका कारण केन्द्रमा आगोको ठूलो लप्का र धुवाँ निस्किएको स्थानीय सन्चारमाध्यमलाई उद्धृत गर्दै अन्तराष्ट्रिय सञ्चारमाध्यमहरुले जनाएका छन् । दोस्रो ड्रोन आक्रमणका कारण कुरिसमा रहेको तेलखानीमा पनि आगो लागेको थियो । दुवै आगलागी नियन्त्रणमा आइसकेको छ । उक्त तेल प्रशोधन केन्द्र संसारकै सबैभन्दा विशाल तेल प्रशोधन केन्द्र मानिन्छ ।
विगतमा भएका यस्ता आक्रमणमा इराननिकट यमनका विद्रोही हुथी समूहमाथि आरोप लगाइने गरिन्थ्यो । तर, यो आक्रमणमा भने कसको संलग्नता छ भन्ने स्पस्ट भइसकेको छैन । यसअघि, सन् २००६ मा अबकाइसमा रहेको तेल प्रशोधन केन्द्रमा अल–कायदाको आक्रमण प्रयासलाई साउदी सुरक्षा बलले विफल तुल्याएको थियो ।
