खोलाले बगाएर बेपत्ता भएका व्यक्ति मृत फेला

संखुवासभा । संखुवासभाको सिसुवाखोलाले बगाएर बेपत्ता भएका सिलिचोङ गाउँपालिका १ चिवाका ३० बर्षीय कवित राई मृत अवस्थामा फेला परेका छन् । २० गते बिहान १० बजे सिलिचोङ गाउँपालिका २ पोखुमटारबाट आफ्नो घर तर्फ फर्कदै गरेका राईलाई पोखुम्टार र चिवाको बिचमा पर्ने सिसुवाखोलाले बगाउँदा बेपत्ता भएका थिए । बेपत्ता राईको खोजतलासमा खटिएको प्रहरी चौकी सिसुवाटारको प्रहरी टोली र स्थानीयवासी समेतको टोलीले आज बिहान ११ बजे दुम्बा स्थित संखुवाखोलाको चेपमा राईलाई मृत अवस्थामा फेला परेका थिए । मृत लाशको कानूनी प्रकृया पुरा गरी शव परिक्षणको लागि जिल्ला अस्पताल खाँदवारी पठाईएको जिल्ला प्रहरी कार्यालय संखुवासभाले जनाएको छ ।