पथरीशनिश्चरे । नेपाल मगर संघ पथरीशनिश्चरेले माघ १ गते ५०१४ औं नयाँ वर्ष विविध कार्यक्रमका साथ मनाउने भएको छ । आइतबार मोरङ्गको पथरीमा पत्रकार सम्मेलन मार्फत माघ १ गते विभिन्न कार्यक्रम गरि नयाँ वर्ष मनाउने जानकारी आयोजकले गराएको छ । पत्रकार सम्मेलनमा वोल्दै नेपाल मगर संघ पथरीशनिश्चरे का अध्यक्ष टंक मगरले मगरको लोक उन्मुख संस्कार सँस्कृती वचाउन कार्यक्रम आयोजना गरिएको वताए । मगरका हुर्रा,कौडा र मारुनी नृत्यका साथै विभिन्न खेलकुद कार्यक्रमको आयोजना गरिएको मगरले जनाए ।
मगर समुदायको राष्ट्रिय पर्व भएकाले सो दिन पथरीशनिश्चरे नगर भित्रका मगर तथा गैर मगरको सो कार्यक्रममा सहभागिता रहने नगर सचिव खगेन पुलामी मगरले वताए । नयाँ पुस्तामा मगर भाषा र संस्कृतीको हस्तान्तरण गर्न कार्यक्रम आयोजना गरिएको हो । मगर युवा संघ पथरीशनिश्चरेका अध्यक्ष भुवन पिठाकोठे मगरका अनुसार सो कार्यक्रममा पुरुषतर्फ छेलो,हाडि फोड तथा महिलातर्फ माला दौड लागायतका अन्य प्रतियोगिता पनि हुनुका साथै स्थानिय कलाकारहरुको सांगितिक प्रस्तुति समेत रहने छ । यसै विच नेपाल सरकारले माघ १ गतेको विदा थारु जातीका लागी मात्र भएकोमा मगरहरुको पनि नयाँ वर्ष भएकाले सरकारले मगरको पनि सम्वोधन गर्नु पर्ने उनीहरुको माग थियो ।
