काठमाडौं । पछिल्लो २४ घण्टामा २ हजार ७२२ जनामा कोरोना भाइरसको संक्रमण पुष्टि भएको छ । देशभरका प्रयोगशालामा १४ हजार ७३९ नमुना परीक्षण गर्दा ९६५ महिला र १७५७ पुरुषमा संक्रमण पुष्टि भएको हो ।यससँगै कुल संक्रमितको संख्या ८२ हजार ४५० पुगेको छ । उनीहरुमध्ये ५२० जनाको मृत्यु भएको छ भने ६० हजार ६९६ जना संक्रमणमुक्त भएका छन् ।
पछिल्लो २४ घण्टामा मात्र ३३०७ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ ।हाल देशभर २१ हजार २३४ सक्रिय संक्रमित छन् । उनीहरुमध्ये ११ हजार ७६० होम आइसोलेसनमा छन् । ९ हजार ४७४ संस्थागत आइसोलेसनमा छन्, जसमध्ये २१० जना आईसीयू र २९ जना भेन्टिलेटरमा उपचार भइरहेको छ ।
मन्त्रालयका अनुसार काठमाडौं उपत्यकामा १ हजार ६३८ संक्रमित थपिएका छन्, जसमध्ये काठमाडौंका १२८० जना, भक्तपुरमा १९६ र ललितपुरका १६२ जना छन् ।
मोरङका १५० जना, सुर्खेतका १२२, रुपन्देहीका ९२, चितवनका ८३, बाँकेका ७०, मकवानपुरका ५५, दाङका २८, गुल्मीका २६, पर्साका २४, झापा, सुनसरी, काभ्रे, धादिङ र नवलपरासीका २३र२३ जना, सिराहाका २२, नवलपुरका १६, सप्तरी र दार्चुलाका १५र१५ जना, बारा र लमजुङका १४र१४ जना, सिन्धुली, कास्की र कैलालीका १३ र १३ जना, बागलुङका १२, नुवाकोट, पाल्पा र प्युठानका ११ र ११ जना तथा सिन्धुपाल्चोक, अर्घाखाँची र दैखेलका १०र१० जनामा कोरोना संक्रमण पुष्टि भएको छ ।बर्दियाका ९ जना, अछाम र डोटीका ८ र ८ जना, तनहुँ, कपिलवस्तु र कञ्चनपुरका ७र७ जना, महोत्तरी, सर्लाही र जुम्लाका ६ र ६ जना, धनुषा र बझाङका ५र५ जना, रौतहट र गोरखाका ४र४ जना, रामेछाप, म्याग्दी, कालीकोट र बैतडीका ३र३ जना, उदपयुर, तेह्रथुम, दोलखा, स्याङ्जा र रोल्पाका २ र २ जना तथा खोटाङ, ताप्लेजुङ, संखुवासभा, पर्वत र बाजुराका १ र १ जनामा संक्रमण देखिएको मन्त्रालयले जनाएको छ ।
