कानेपोखरी । शिक्षा सदन मावि, कानेपोखरी ३ मोरङमा अध्ययनरत विद्यार्थीलाई राष्ट्रपति रनिङ शिल्डको तयारीका लागि खेलकुद विकास परिषदका अध्यक्ष एवम् ५ नम्बर वडाका वडा अध्यक्ष चरण गुरुङद्वारा गाउँपालिकाको तर्फबाट भलिबल र नेटजाली हस्तान्तरण गरेका छन् ।
कानेपोखरी ३ स्थित शिक्षा सदन माध्यमिक विद्यालयको बाल क्लबमा आवद्ध कक्षा ९ मा अध्ययनरत विद्यार्थीहरु गाउँ कार्यपालिकाको कार्यालयमा विद्यालयको वर्तमान शैक्षिक स्थिति र पठनपाठनका विषयमा छलफल र छोटो अन्तर्कृया पछि अध्यक्ष गुरुङले सो खेल सामग्री हस्तान्तरण गरेका हुन् । राष्ट्रपति रनिङ शिल्डको तयारीमा जुटेका विद्यार्थीहरुलाई गुरुङले एक थान भलिबल र एक थान नेटजाली राष्ट्रपति रनिङ शिल्डको तयारीका गाउँपालिकाको तर्फबाट हस्तान्तरण गरेका हुन् ।
सो अवसरमा शिक्षा अधिकृत, लेखा अधिकृत र प्रमुख प्रशासकीय अधिकृत सहितको उपस्थिति रहेको थियो । छलफलमा विद्यार्थीहरुले समग्र शैक्षिक स्थितिको सुधारका लागि रचनात्मक र व्यवहारिक सल्लाह, सुझावलाई क्रमशः कार्यान्वयनमा लगिने प्रमुख प्रशासकीय अधिकृत सन्तोष घिमिरेले प्रतिबद्धता जनाएका थिए ।
