पथरी । मोरङको पथरी शनिश्चरे नगरपालिकामा बडा दिन ख्रिष्टमस शुभकामना सम्मान तथा सांगीतिक कार्यक्रम २०८१ हुनेभएको छ । आज पथरी शनिश्चरे वडा नं. १ मा स्थापित अभिनाश चर्जमा आयोजक पथरी शनिश्चरे नगर इसाई समाजले पत्रकार सम्मेलनको आयोजना गरी कार्यक्रमको बारेमा जानकारी दिएको हो ।
नगर प्रमुख मोहन प्रसाद तुम्वापोको प्रमुख आतिथ्यमा मंसिर ३० गते सो कार्यक्रम हुने बताइएको छ । नगरका ३५ वटा चर्जहरुको संयुक्त सहयोग संकलन गरी सो कार्यक्रम भव्य रुपमा मनाउन लागिएको कार्यक्रमको संयोजक पा. मुलुकसिंह लिम्बुले जानकारी गराउनुभयो ।
सो कार्यक्रममा कोशी प्रदेश इसाई समाज सल्लाहकार पा.रेभ दानियल लिम्बु वक्ताको रुपमा प्रस्तुत हुनुहुनेछ भने स्थानीय कलाकार र क्रिश्चियन म्यूजिक ब्याण्ड हेफ्जिबाहको सांगीतिक प्रस्तुति पनि रहने आयोजकले जनाएको हो । पत्रकार सम्मेलनमा आयोजकका अध्यक्ष गोपाल राई, सचिव राजकुमार राई, सह–सचिव जोन सुब्बा लगायतको उपस्थिति रहेको थियो ।
