मिक्लाजुङ । मिक्लाजुङ गाउँपालिका वडा नम्बर ५ को आर्थिक सहयोग तथा जनचर्चा टाइम्स मिडिया एण्ड एड्भरटाइजिङ प्रा.लि.को आयोजनामा घरायसी साबुन तथा सरफ बनाउने तालिम सम्पन्न भएको छ । तालिम मिक्लाजुङ गाउँपालिका–५ मा फागुन ५ र ६ गते सञ्चालन भएको थियो ।
तालिम समापन समारोहलाई वडाध्यक्ष मेघनाथ तामाङले सम्बोधन गर्दै तालिमको महत्वबारे चर्चा गरे । उनले स्थानीयस्तरमै उत्पादन गरेर आत्मनिर्भर बन्ने अवसर सिर्जना गर्न यस्ता तालिमहरू उपयोगी हुने बताए ।
तालिममा स्थानीय नागरिकहरूको उल्लेखनीय उपस्थिति रहेको थियो । सहभागीहरूले घरायसी साबुन तथा सरफ बनाउने प्रविधि सिकेर व्यावसायिक रूपमा अघि बढ्न सकिने आशा व्यक्त गरेका छन् ।
